Koçluq nədir?

• Öyrənmə və özünü təkmilləşdirmə vasitəsidir.
• İnsanı hədəflərinə istiqamətləndirməkdir.
• Birlikdə müəyyənləşdirilmiş hədəflərə çatmaq məqsədilə, qarşılıqlı təcrübə və qənaətləri bölüşməkdir.

Koçluğun NLP ilə əlaqəsi

NLP - Neuro Linguistic Programming (sinir dili programlaşdırılması ) şüur və şüuraltını effektiv bir həssaslıqla işlətməyə yönəlib və bunu hədəfləyir. Zehni prosesin əməliyyatını yenidən formalaşdırmağı və fərqli zehni çərçivə qazandırmağı təmin edir.

Bu hədəflərə nail olmaq üçün bir çox texnika istifadə olunur və tətbiq edilir.

NLP, insanların zehnini və necə düşündüklərini araşdırır. Dili necə işlətməyimizə və bizə necə təsir etməyinə əsaslanır. Hədəflərimizə çatmaq üçün fəaliyyətimizi necə sıraladığımızı araşdırır.

Koçluqda isə bu prinsiplər əsas götürülür:

• Hamı ehtiyacı olan qabiliyyətlərə və bacarıqlara malikdir və ya bunları qazana bilər.
• İnsanlar edə biləcəkləri ən yaxşı seçimi edərlər.
• İnsan davranış hədəflidir.
• Anlamaq istəyirsənsə, hərəkətə keç!

Bütün NLP prinsipləri koçluqda istifadə oluna bilər, çünki koçluqda asan və sadə texnikalar lazımdır və NLP bu ehtiyacı ödəyə bilir. Üstəlik koçluq fəaliyyəti də NLP- nin 4 əsas prinsipinə dayanır:

1. Nə istədiyinə qərar ver.
2. Ona çatmaq üçün nələrə ehtiyacın olduğunu dəqiqləşdir.
3. Hərəkətə keç.
4. İstədiyin nəticəni alana qədər davranışlarında elastik ol.

Koçluq, bir insanın inkişafına, yeni bir bacarıq, və ya davranış öyrənməsinə, onun özü üçün müəyyənləşdirdiyi  hədəflərə çatmasına və ya bir problemi həll etməsinə dəstək olmaqdır.

KİM BİR KOÇLA İŞLƏYİR?

Həyatımda  daha yaxşı nəticələrə istiqamətlənmiş bir dəyişim və inkişaf, potensialı hərəkətə keçirmək  və daha məhsuldar olmaq istəyən və bunun için çalışmağa, riskə girməyə hazır olan hər kəs bir koçla işləyə bilər.

Koç  bizə həyatda bizim nələr edə biləcəyimizi göstərən şəxsdir.

Araşdırmalar, nizamlı şəkildə bir koç və ya mentorla işləməyənlərin 35%-nin işlərini dəyişdirmək istəyi duyduğunu göstərir. Bir koçun dəstəyindən faydalananlar üçünsə bu nisbət yarıbayarı azalır. Bu səbəblə “Fortune 1000” şirkətlərinin hamısı işçilərin potensialını təkmilləşdirmək, məhsuldarlığı artırmaq üçün koçluqdan faydalanır və təsirini ölçüb,  qiymətləndirirlər. İstiqamətləndirmə və yol göstərmə tədbirlərinin bacarıqlı və sertifikatlı bir koç ilə həyata keçirilməsi uğurlara əhəmiyyətli dərəcədə təsir edir. İstiqamətləndirmə formalaşdırılmış, sturuktiv bir idarəetmə təkmilləşdirmə üsuludur və necə formalaşmasına əvvəlcədən qərar verilməlidir.

Hekayə:

Bir gün bir fermer oğlunun sevinc qışqırıqlarını eşidir və səbəbini öyrənmək üçün evdən çıxır. Fermanın həyətində tanımadığı bir at görür. Oğlu isə sevincindən atılıb-düşərək: “Bizə vəhşi at gəldi, bu mənim atımdır!”, kimi sözlər qışqıraraq, sevinir. Fermer ata yaxınlaşır və diqqətlə baxanda damğasını görür və oğluna göstərir: “Bax, bu vəhşi at deyil. Gəl bunu aparıb sahibinə qaytaraq”, deyir. Fermer bu atı, oğlu isə başqa atı minir və yola düzəlirlər. Yolda at acır və özünü kənardakı çəmənlərə vurur. At qarnını doyurduqdan sonra fermer onu yola çıxarır və davam edirlər. Bir müddət sonra at yenə yoldan çıxaraq çayın kənarına enir və su içir. Fermer onu yenidən yolun üzərinə çıxarır. At yorulanda yenə yoldan çıxır. Dincəldikdən sonra fermer onu təkrar yolun üzərinə gətirir. Beləliklə bir müddət sonra onlar başqa bir fermaya gəlib çatırlar. Bu fermanın sahibi atı görən kimi gözləri parlayır və qışqırır: “Bu mənim atımdır!” O sevincə irəli cumur və atın boynunu tumarlayır. Birdən o sevincindən təşəkkür etməyi unutduğunu xatırlayır və atı gətirən fermerə üzün tutub minnətdarlıq edir. Sonra nəsə düşünür və təəccüblə fermerdən soruşur: “Siz məni necə tapdınız?” Fermer gülümsəyir və cavab verir: “At özü sizi tapdı. Bizim işimiz, at nə zaman yoldan çıxırdısa, onu yola qaytarmaq idi.”